ბირტანელმა სამართალდამცავებმა დაადგინეს იმ პირის ვინაობა, რომელმაც დღეს ლონდონში სისხლიანი თავდასხმა მოაწყო. ის 52 წლის ხალიდ მასუდია, რომელიც ლონდონთან ახლოს, კენტში დაიბადა.

სამართალდამცავებმა ტერორისტულ აქტთან დაკავშირებით რვა პირი დააკავეს, ტერორისტულმა ორგანიზაცია ისლამურმა სახელმწიფომ კი მომხდარზე პასუხისმგებლობა აიღო.

პოლიციის ცნობით, ხალიდ მასუდი აქამდე არ ყოფილა შემჩნეული ისეთ ქმედებაში, რაც უსაფრთხოების სამსახურებს ეჭვს გაუჩენდა მის მიერ ტერაქტის შესაძლო ჩადენაზე. ის წლების განმავლობაში სხვადასხვა მსუბუქი დანაშაულისთვის იყო გასამართლებული. ბოლოს ის დანის უკანონოდ ტარებისთვის 2003 წელს გაასამართლეს, მას შემდეგ ის სამართალდამცავთა ყურადღების ცენტრში არ აღმოჩენილა.

თავდასხმას ემსხვერპლა ერთი ადგილობრივი პოლიციელი, ამერიკელი ტურისტი და ესპანელი მასწავლებელი, ასევე, თავად თავდამსხმელი. მასუდი ქვეითებს ავტომობილით მიზანმიმართულად დაეჯახა. დაშავდა 20–ზე მეტი პირი.