ხშირად ჩვენი ხასიათის გაფუჭება პატარა დეტალებსაც კი შეუძლიათ. გადახლართული სადენები, ჭრაჭუნა კარი და კომპიუტერის კლავიატურაში ჩაყრილი ნამცეცები სწორედ ასეთ დეტალებს მიეკუთვნებიან. სამწუხაროდ, ამ უსიამოვნებებთან შეჯახება ლამის ყოველდღიურად გვიწევს. სწორედ ამიტომ, კრეატიული და მოხერხებული ადამიანები ცდილობენ, გამოსავალი მოძებნონ და მარტივად გადაჭრან პრობლემები.

ჩვენ გაგიზიარებთ 5 ხრიკს, რომლითაც ყოველდღიურ სტრესს ოდნავ მაინც შეიმსუბუქებთ.

1. კომპიუტერის კლავიატურაში ჩარჩენილი ნამცეცები

ფოტო: Lifehack.org

კომპიუტერის კლავიატურა ნამდვილი მტვერსასრუტია. ის ისრუტავს ყველაფერს - ნამცეცებს, მტვერს, პატარა ობიექტებს და ასე შემდეგ.

ამ პრობლემის მოგვარება მარტივია: მოიმარჯვეთ სანიშნე ფურცლის წებოვანი მხარე და კლავიატურის ღილაკებს შორის შეაცურეთ. მერე დახედეთ და დაფიქრდით, საიდან მოხვდა ეს ყველაფერი კლავიატურაში.

2. ტელეფონის გადახლართული დამტენი

ფოტო: Lifehack.org

ხშირად ტელეფონის დამტენი ისე გადაიხლართება ხოლმე, რომ მისი გახსნა დიდ მოთმინებას მოითხოვს. თანაც, დიდია ალბათობა იმისა, რომ სატენი დაზიანდეს. ამ პრობლემის მოსაგვარებლად საწერი კალმის ზამბარა დაგეხმარებათ, რომელიც სატენის თავს უნდა მოარგოთ. ამ შემთხვევაში, თქვენი დამტენი არც გადაიხლართება და არც დაზიანდება.

3. კლავიატურის გატეხილი სადგომის შეკეთება

ფოტო: Lifehack.org

თუ კლავიატურას ფეხი მოსტყდა და ბეჭდვა არაკომფორტული გახდა, ნუ იჩქარებთ ახალი კლავიატურის შეძენას. ეს სამაგრი, რომელიც ოფისში აუცილებლად გექნებათ, ეფექტურად გასწევს ფეხის მოვალეობას.

4. შუშის ბოთლის სწრაფად გაცივება

ფოტო: Lifehack.org

ზაფხულში ცივი სითხე ნამდვილი ნეტარებაა, მაგრამ ხშირად ხდება, რომ მაღაზიაში ნაყიდი სასმელი შინ მისვლამდე თბება და სასიამოვნო გეგმები წყალში იყრება.

არსებობს ერთი მარტივი ხრიკი შუშის ბოთლის ძალიან სწრაფად გასაცივებლად: დაასველეთ ტუალეტის ქაღალდი და ბოთლს შემოახვიეთ. შემდეგ ჩადგით მაცივარში და 10-15 წუთში ბოთლი ყინულივით ცივი იქნება.

5. სადენების აბლაბუდა

შეგიხედავთ ოდესმე მაგიდის ქვეშ და გიფიქრიათ, ამდენი სადენი ნეტავ საიდან მოდისო? ინტერნეტის, ტელეფონის, ტელევიზორის, კომპიუტერის სადენები ერთმანეთში იხლართება და სრული ქაოსი იქმნება. ისევ მოიმარჯვეთ ზემოთ ნახსენები ქაღალდის დამჭერები, მიამაგრეთ სასურველ ადგილას და მოაწესრიგეთ სადენები ისე, როგორც თვალს გაუხარდება.