2019-2020 წლებში momxmarebeli.ge-მ, მოგვიანებით კი სურსათის ეროვნულმა სააგენტომ ქართულ დახლებზე 30+ საკვებ პროდუქტში აღმოაჩინა "სუდანი" — აკრძალული ინდუსტრიული საღებავი, რომელსაც საკვებისთვის წითელი შეფერილობის მისაცემად იყენებენ და რომელიც, არც მეტი, არც ნაკლები, სიმსივნის წარმოქმნასა და გენების გადაგვარებას იწვევს.

momxmarebeli.ge აქამდე ლაბორატორიულ კვლევებს უცხოურ დონორ ორგანიზაციათა დაფინანსებით ახორციელებდა. კვლევის შედეგებისა და საზოგადოებრივი ჩართულობის წყალობით, ასეთი სურსათის კონტროლს სურსათის ეროვნული სააგენტოც ამკაცრებდა.

მაგრამ სურსათის უვნებლობას მუდმივი მონიტორინგი სჭირდება. სამწუხაროდ, წელს სურსათის ეროვნული სააგენტო "სუდანის" შემცველობაზე მხოლოდ ოცდაათიოდე ნიმუშს იკვლევს, რაც საკმარისი არ არის.

ფოტო: momxmarebeli.ge

სურსათის სისტემატიური ლაბორატორიული კვლევა დიდ რესურსს მოითხოვს. ამიტომ, სამომხმარებლო პროდუქციის უვნებლობის მონიტორინგს ხშირად მთავრობის პარალელურად სამოქალაქო ინიციატივებიც ახორციელებენ, მათ შორის განვითარებულ ქვეყანებშიც, სადაც უსაფრთხოების მონიტორინგის სტანდარტი საკმაოდ მაღალია.

საქართველოში სწორედ ასეთი კამპანია წამოიწყო momxmarebeli.ge-მ. ნებისმიერ ადამიანს შეუძლია, დააფინანსოს "სუდანით" დაბინძურების რისკის ქვეშ მყოფი სურსათის (წითელი ტყემალი, აჯიკა, პომიდვრის საწებელი, ტომატპასტა, კეტჩუპი) ლაბორატორიული კვლევები.

momxmarebeli.ge-ს საიტსა და ფეისბუქ გვერდზე გამოქვეყნდება დეტალური ანგარიშგება და შედეგები. რაც მთავარია, კვლევების საფუძველზე შევძლებთ, მოვითხოვოთ სათანადო ზომების მიღება შესაბამისი მეწარმეებისა და სახელმწიფო სტრუქტურებისგან. მეტი ინფორმაციისთვის გაეცანით სტატიას.

რა შეგვიძლია გავაკეთოთ ჩვენ?

დააფინანსეთ ლაბორატორიული გამოკვლევები;

შემოწირულობის გაღება შესაძლებელია საბანკო ბარათის მეშვეობით, ბმულზე: https://www.momxmarebeli.ge/me/sponsor

ან თანხის შემდეგ საბანკო ანგარიშებზე შეტანით:

თი-ბი-სი ბანკი: GE53TB7606836020100005

საქართველოს ბანკი: GE65BG0000000161129735

მიმღები: ა(ა)იპ საქართველოს სტრატეგიული კვლევებისა და განვითარების ცენტრი.

დანიშნულებაში უნდა მიუთითოთ: შემოწირულობა პროდუქციის კვლევისათვის.

გააზიარეთ კამპანია და მოუწოდეთ მეგობრებს, დააფინანსონ კვლევები;
გამოჰყევით momxmarebeli.ge-ს, დაესწარით ღია შეხვედრებს, დასვით კითხვები და დაეხმარეთ პროექტს საზოგადოებრივი ცნობიერების ამაღლებაში.