დაავადებათა კონტროლის ეროვნული ცენტრის ხელმძღვანელი ამირან გამყრელიძე ამბობს, რომ ჯონსონ & ჯონსონის ვაქცინის მოწოდება შეჩერდა. როგორც გამყრელიძე განმარტავს, ვაქცინის გადმოცემა დონაციით უნდა მომხდარიყო და ვარდებზე ვერ შეთანხმდნენ.

"სამწუხაროდ, ჯონსონ & ჯონსონის ვაქცინაზე არასრული ინფორმაცია იყო თავიდან მოწოდებული და შეჩერდა გარკვეული მიზეზების გამო, ჯერჯერობით, მისი მოწოდება. დონაცია უნდა ყოფილიყო და ვერ შევთანხმდით ვადებზე. ამ ეტაპზე ჩვენ მხოლოდ სამი ვაქცინის ადმინისტრირებას გავაკეთებთ. ეს არის: ფაიზერი, სინოფარმი და სინოვაკი", — თქვა ამირან გამყრელიძემ.

მისივე თქმით, AstraZeneca-ს პირველ დოზებზე რეგისტრაცია ჩერდება. გამყრელიძე ამას AstraZeneca-ზე მოთხოვნის ნაკლებობით ხსნის.