ციციშვილის სახელობის ბავშვთა კლინიკაში 8 წლის ბავშვი კორონავირუსით გარდაიცვალა. ექიმების განცხადებით, მას თანხმლები დაავადებები ჰქონდა.

როგორც კლინიკის დირექტორმა მაია ჩხაიძემ On.ge-ს განუცხადა, პაციენტი ციციშვილის კლინიკაში 18 სექტემბერს გადაიყვანეს სხვა კოვიდმიმღები კლინიკიდან, კოვიდის დადასტურებიდან მეექვსე დღეს, სუნთქვის უკმარისობით. მისი თქმით, გამოხატული იყო ფილტვის ქსოვილის დაზიანება, რესპირატორული დისტრესი და გართულებული ჰქონდა თანმხლები ბაქტერიული ინფექცია. მისივე თქმით, პაციენტს აღენიშნებოდა გულის კომბინირებული მანკი, თანდაყოლილი ქრომოსომული დაავადება, ჰიპოტროპია და ფსიქომოტორული სფეროს მკვეთრი ჩამორჩენა.