ლელო საქართველოსთვის ერთ-ერთი ლიდერის, ბადრი ჯაფარიძის განცხადებით, რადგანაც ქართულმა ოცნებამ არჩევნებზე ხმების 43%-ზე მეტი შეაგროვა, შარლ მიშელის დოკუმენტით აღებული ვალდებულების შესრულება რიგგარეშე არჩევნების ჩატარებასთან დაკავშირებით აღარ ევალებათ, თუმცა ეს იმას არ ნიშნავს, რომ ოპოზიცია ამას საჭიროდ არ მიიჩნევს.

"რამდენადაც 43%-ზე მეტი შეაგროვა ქართულმა ოცნებამ, შარლ მიშელის დოკუმენტით აღებული ვალდებულების შესრულება მას აღარ ევალება, მაგრამ ეს არ ნიშნავს, რომ ჩვენ არ მივიჩნევთ საჭიროდ რიგგარეშე არჩევნებს, ამისთვის მოთხოვნის უფლება ჩვენს გვაქვს. პოლიტიკური პოზიცია არის ის, რომ ქვეყნისთვის კარგი იქნება რიგგარეშე არჩევნების ჩატარება", — განაცხადა ბადრი ჯაფარიძემ რუსთავი 2-ის ეთერში.

  • არჩევნების პირველადი შედეგების ნახვა შეგიძლიათ აქ.