სამოქალაქო საარჩევნო კომისიის განცხადებით, 3 ოქტომბერს, გამთენიისას მათ სერვერებზე DDoS შეტევა მიზანმიმართული შეტევა ხორციელდებოდა.

"მეგობრებო, გუშინ ღამით და დღეს დილით რამდენიმე საათის განმავლობაში გრძელდებოდა მიზანმიმართული და გაცნობიერებული DDoS შეტევა ჩვენს სერვერებზე. გრაფიკზე ხედავთ, რომ პიკური შეტევის დროს, სერვერზე საათში 800 ათასზე მეტი მოთხოვნა ფიქსირდებოდა. ჩვენ უწყვეტ რეჟიმში ვცდილობთ ამ შეტევის მოგერიებას, შესაძლოა თქვენთან ახლა cec.org.ge მუშაობდეს შეფერხებით. სრულად დავბრუნდებით უსწრაფეს ვადებში", — აცხადებენ კომისიაში.

DDoS არის განაწილებული DoS შეტევა, რაც ნიშნავს იმას, რომ თავდასხმა ხდება არა ერთი, არამედ ბევრი წყაროდან. თუ DoS შეტევის დროს შესაძლებელია პრობლემის მოგვარება კონკრეტული IP-ის დაბლოკვით, როცა თავდასხმა ხდება ბევრი წყაროდან და მსოფლიოს სხვადასხვა წერტილიდან, კონკრეტული IP-ის დაბლოკვა რთულია.