Edison Research-ის ეგზიტპოლის მიხედვით, ქვეყნის მასშტაბით არსებულ მონაცემებში, ქართული ოცნება 43%-იან ბარიერს ლახავს. შედეგები ასე გადანაწილდა:

  • ქართული ოცნება — 46%;
  • ნაციონალური მოძრაობა — 33%;
  • საქართველოსთვის — 6%;
  • ევროპული საქართველო — 2%
  • გირჩი — მეტი თავისუფლება — 2%;
  • ლელო — 2%.

რაც შეეხება თბილისში პარტიულ ნაწილს, შედეგები შემდეგნაირაია:

  • ქართული ოცნება — 41%;
  • ნაციონალური მოძრაობა — 31%;
  • პარტია საქართველოსთვის — 7%;
  • გირჩი — მეტი თავისუფლება — 5%;
  • ლელო — 3%;
  • მოქალაქეები — 2%;
  • ხალხისთვის — 2%;
  • გირჩი — 2%;
  • დროა — ევროპული საქართველო — 2%;
  • ლეიბორისტული პარტია — 1%;
  • მესამე ძალა — 1%.

ტელეკომპანიის ცნობით, აღნიშნული მონაცემები 18:00 საათისაა, ცდომილების ზღვარი თბილისისთვის არის +-3%, 95%-იანი სანდოობის დონისთვის თბილისში ჩატარდა 6 783 ინტერვიუ.

დღეს საქართველოში ადგილობრივი თვითმმართველობის არჩევნები მიმდინარეობს. მოსახლეობა მერებს და საკრებულოების წევრებს ირჩევს. თუმცა ამჯერად ეს არ არის მხოლოდ თვითმმართველობის არჩევნები — მიუხედავად იმისა, რომ ქართულმა ოცნებამ შარლ მიშელის შეთანხმება ანულირებულად გამოაცხადა, ოპოზიცია ამ არჩევნებს რეფერენდუმს უწოდებს. სწორედ ამ დოკუმენტის მიხედვით, იმ შემთხვევაში, თუ ქართული ოცნება თვითმმართველობის არჩევნებზე 43%-ზე ნაკლებს აიღებდა, რიგგარეშე არჩევნები უნდა ჩატარებულიყო. ხელისუფლება დღეს აცხადებს, რომ ამ პირობის შესრულებას არ აპირებს.