ლეიბორისტული პარტიის ინფორმაციით, მარნეულში, სოფელ დაშთაფაში დაჭრილის მდგომარეობა სტაბილურად მძიმეა. პარტიაში On.ge-ს უთხრეს, რომ მას ერთი ჭრილობა აქვს და მარნეულის ავერსის კლინიკაშია გადაყვანილი. ვიცე-მერობის კანდიდატი,მამუკა ჯუღელი აცხადებს, რომ თავდამსხმელი ქართული ოცნების აქტივისტია და მათ წარმომადგენელს იმის გამო დაუპირისპირდა, რომ ლეიბორისტული პარტიის კანდიდატს ამ სოფელში დიდი მხარდაჭერა აქვს.

დღეს მარნეულში ლეიბორისტული პარტიის დამკვირვებელი დაჭრეს. შემთხვევა მარნეულის სოფელ დაშთაფაში მოხდა. ამ ინფორმაციას შინაგან საქმეთა სამინისტროში ადასტურებენ. მათი თქმით, თავდამსხმელი ამ დროისთვის დაკავებული არ არის.