დღეს გამართულ სავალუტო აუქციონზე ეროვნულმა ბანკმა 60 მლნ აშშ დოლარი გაყიდა — შედეგად, ლარი გამყარდა.

სებ-ის მიერ დადგენილი კურსის მიხედვით, ერთი დოლარის ღირებულება 3,1189 ლარი გახდა, რაც აქამდე მოქმედ კურსთან შედარებით 0,39 თეთრით გამყარებას ნიშნავს.

რაც შეეხება ევროს, ამ ვალუტასთან მიმართებით ლარი 3,11 თეთრით გამყარდა და ერთი ევრო 3,6098 ლარს გაუტოლდა.

შეგახსენებთ, რომ ლარის კურსის მერყეობის შესამცირებლად, საქართველოს ეროვნულმა ბანკმა მიმდინარე წელს 9 სავალუტო ინტერვენცია განახორციელა და ჯამურად 332,9 მლნ დოლარი გაყიდა. მათ შორის, ბოლო სავალუტო აუქციონი დღეს შედგა, სადაც ეროვნულმა ბანკმა 60 მილიონი დოლარი გაყიდა. უნდა აღინიშნოს, რომ ამიმდინარე წლის განმავლობაში ყველაზე მსხვილი აუქციონი სებ-მა არჩევნებამდე ორი დღით ადრე განახორციელა.

სებ-ის მიერ დღეს დადგენილი გაცვლითი კურსი ხვალ, პირველ ოქტომბერს შევა ძალაში.