პარტია ლელოს ლიდერი ბადრი ჯაფარიძე აცხადებს, რომ სალომე ზურაბიშვილი მართალია და ქვეყანას კოალიციური მმართველობა სჭირდება. მისი შეფასებით, ერთპარტიულმა მმართველობამ საქართველო ჩიხში შეიყვანა.

"ზურაბიშვილის განცხადებას ვეთანხმები და ეს ემთხევა ჩვენს შეხედეულებებს. სწორედ ამაზეა ახლა საუბარი, რომ ქვეყანას სჭირდება კოალიციური მმართველობა, იმიტომ, რომ ერთპარტიულმა, ავტოკრატიაში გადაზრდილმა მმართველობამ ქვეყანა შეიყვანა ჩიხში და ახლა ჩვენ ვიმყოფებით ჭაობში, რომლიდანაც უნდა დავიწყოთ გამოსვლა, 2 ოქტომბერს არჩევნების შედეგად", — ამბობს ბადრი ჯაფარიძემ.

საქართველოს პრეზიდენტი სალომე ზურაბიშვილი ფრანგულ ჟურნალ JDD-სთან ინტერვიუში ამბობს, რომ 9 წლის განმავლობაში სახელისუფლებო უმრავლესობის მიერ დაკომპლექტებული მთავრობის შემდეგ, ნათელია, რომ კოალიციური მთავრობა აუცილებელია. თუმცა, ზურაბიშვილი დასძენს, რომ რთულია იმის დანახვა, თუ როგორ შეძლებს ფუნქციონირებას კოალიციური მთავრობა, როდესაც პოზიციები ამდენად ანტაგონისტურია.

ამავე თემაზე: