პრემიერმინისტრის, ირაკლი ღარიბაშვილის განცხადებით, 2 ოქტომბერს დამტკიცდება, რომ Edison Research-ის კვლევა აღმოჩნდება ტყუილი.

"პასუხი არის ცხადი, რომ თარხნიშვილის მიერ ჩატარებულ კვლევას არავითარი სანდოობა არ გააჩნია. ყოველთვის Edison Research-ის და ათას ორგანიზაციების ბრენდულ სახელებს იყენებდნენ თარხნიშვილის კვლევის ორგანიზაცია და ამით ცდილობდნენ მანიპულაციას, საზოგადოების განწყობების, ასე ვთქვათ, მანიპულირებას, რა თქმა უნდა, ეს არჩევნებით ყოველთვის მტკიცდებოდა, რომ ეს იყო ტყუილი, შესაბამისად დასკვნა იქნება შემდეგი, რომ 2 ოქტომბერს დამტკიცდება, რომ მორიგი ასეთი გაყალბებული კვლევაც აღმოჩნდება ტყუილი", — ამბობს ღარიბაშვილი.

ტელეკომპანია ფორმულას დაკვეთით ჩატარებული Edison Research-ის კვლევის მიხედვით, კითხვაზე, ადგილობრივი თვითმმართველობის არჩევნები დღეს რომ ტარდებოდეს, ვის მისცემდნენ ხმას, ალოკაციით, მოსახლეობის 36% ქართულ ოცნებას ირჩევს, გამოკითხულთა 27% ნაციონალურ მოძრაობას, ხოლო 11% — გიორგი გახარიას პარტიას.