ტელეკომპანია ფორმულას დაკვეთით ჩატარებული Edison Research-ის კვლევის მიხედვით, კითხვაზე, დღეს რომ არჩევნები ტარდებოდეს, რომელ კანდიდატს მისცემდით ხმას, გამოკითხულთა 43% ამბობს, რომ კახა კალაძეს, 30% ნიკა მელიას ასახელებს, ხოლო 12% გიორგი გახარია. დანარჩენი შედეგები ასე გადანაწილდა:

  • ანა დოლიძე — 6%;
  • ანა ბიბილაშვილი — 3%;
  • სხვა — 6%.

ფოტო: კადრი ვიდეოდან / ფორმულა

Edison Research-მა კვლევა ტელეკომპანია ფორმულას დაკვეთით ჩაატარა. ფორმულას ინფორმაციით, კვლევის საველე სამუშაოები 12 სექტემბრიდან 25 სექტემბრის პერიოდში ჩატარდა. პირისპირ კვლევის მეთოდით გამოიკითხა 1 500 18 წელს გადაცილებული ხმის მიცემის უფლების მქონე საქართველოს მოქალაქე. კვლევის ცდომილების ფარგლები +/-3%-ია 95%-იანი სანდოობის დონისთვის.