მთის კურორტების განვითარების კომპანიის ინფორმაციით, კურორტ გუდაურის საბაგიროების ცენტრალურ ტრანსფორმატორს ხანძარი გაუჩნდა. ახალი ტრანსფორმატორების დამონტაჟებამდე, რამდენიმე დღე საბაგიროები არ იმუშავებს.

"მთის კურორტების განვითარების კომპანიის, გუდაურის ადმინისტრაცია უმოკლეს ვადებში აღმოფხვრის პრობლემას და ამ წუთებიდან 24 საათიანი რეჟიმის განმავლობაში აწარმოებს სამუშაოებს," - წერს კომპანია ფეისბუკ გვერდზე.

მათ, ვისაც ავარიის გამო სასრიალო დღეები მოაკლდათ კომპანია გეგმავს თანხა აუნაზღაუროს, იმის მიხედვით, ვის რა ტიპის და რამდენდღიანი სასრიალო აბონემენტი ჰქონდა.

დაზიანებული ტრანსფორმატორის გამო საბაგიროს ამოშუავებამდე კურორტის დამსვენებელს პირველი საბაგირო მოემსახურება.