ინფექციური საავადმყოფოს დირექტორი თენგის ცერცვაძე პანდემიის მართვასთან დაკავშირებით მთავრობას საყვედურობს. ცერცვაძის თქმით, მთავრობამ დაწესებული რეგულაციების აღსრულებაზე მკაცრი კონტროლი არ განახორციელა.

"ერთადერთი რაშიც მე ვსაყვედურობ ხელისუფლებას და მათ შორის პრემიერსაც და ყველას, ალბათ, ჩვენს საზოგადოებასაც, ჩვენს თავსაც, ჯანდაცვის სამინისტროს, მაგრამ ხელმძღვანელობას, იმიტომ, რომ ბერკეტები მის ხელშია, არ იყო გამოყენებული სათანადოდ აღსურულებაზე მკაცრი კონტროლი. მან [ღარიბაშვილმა] მოხსნა ლოკდაუნი, სხვადასხვა შეზღუდვა, მაგრამ დარჩა რეგულაციები, პირბადის ტარება, ხალხმრავალი შეკრებებისგან თავის არიდება და ამის აღსრულებაზე კონტროლი არ იყო მკაცრი", — განაცხადა გამყრელიძემ პალიტრანიუსის ეთერში.

ცერცვაძე ამბობს, რომ მას კოვიდსაწინააღმდეგო რეგულაციების დარღვევისთვის დაწესებული ჯარიმების გაუქმების შესახებ მიღებული გადაწყვეტილება არამართებულად მიაჩნია, თუმცა, მისი თქმით, ის ექიმის პოზიციიდან საუბრობს, ხოლო ხელისუფლება "მოქალაქეების მიმართ ჰუმანური აქტის პოზიციიდან გამოვიდა".