ქართული ოცნების დეპუტატი გურამ მაჭარაშვილი გავრცელებულ ფაილებს ფაბრიკაციას უწოდებს და აცხადებს, რომ თუ ვინმეს ეს ჩანაწერები ავთენტურად მიაჩნია, დამტკიცების პასუხისმგებლობაც მათ ეკისრებათ.

"ის, რომ ვიღაცაზე ამბობს ადამიანი, რომ ამან ჩაიდინა დანაშაული ან, თუნდაც, არის არასწორი საქციელის მქონე, ეს არ ნიშნავს, რომ იმ პიროვნებამ უნდა ამტკიცოს, რომ მას ეს არ გაუკეთებია.

თუკი ვინმეს მიაჩნია, რომ ეს ფაბრიკაცია იყო სწორი, ავთენტური და ამ ფაქტებს ჰქონდა ადგილი და ეს არის არასწორი და თუნდაც შეიცავს რაღაც დანაშაულის ნიშნებს, ამ შემთხვევაში მტკიცების ტვირთი არის იმ ადამიანებზე, ვისაც მიაჩნია, რომ ეს არის სწორი და ავთენტური, ამ შემთხვევაში მან უნდა ამტკიცოს ეს", — აცხადებს მაჭარაშვილი.

13 სექტემბერს ცნობილი გახდა, რომ ერთ-ერთი ღია წყაროზე სასულიერო პირებთან დაკავშირებით მასალები აიტვირთა. უცნობია, ვინ გაავრცელა ფაილები და ასევე, არ არის დადასტურებული მათი ავთენტურობა. თუმცა რამდენიმე პოლიტიკოსმა და ჟურნალისტმა, მათ შორის On.ge-ს ყოფილმა რედაქტორმა განაცხადეს, რომ ჩანაწერებში საკუთარი საუბრები ამოიცნეს.

ატვირთულია Word-ის ასობით ფაილი და იმ შემთხვევაში, თუ ისინი ავთენტურია, ჩანს, რომ შესაბამისი სამსახურები სწავლობენ სასულიერო პირების საჯარო და პირად კავშირებს, უსმენენ სატელეფონო საუბრებს და აგროვებენ კომპრომატებს პირადი ცხოვრების შესახებაც, მათ შორის, საუბარია ჰომოსექსუალურ კავშირებზე. ფაილებს შორის არის ინფორმაცია რუსული კონტაქტების, ასევე, კონკრეტული პოლიტიკური პარტიების მიმართ დამოკიდებულების შესახებ.

ამავე თემაზე: