საპატრულო პოლიციის თანამშრომელი ოჯახში ძალადობის ბრალდებით არის დაკავებული. ამის შესახებ ინფორმაცია On.ge-ს პროკურატურამ დაუდასტურა.

პროკურატურის ცნობით, გამოძიება 126 პრიმა პირველი ნაწილითაა დაწყებული, რაც გულისხმობს ოჯახის ერთი წევრის მიერ ოჯახის სხვა წევრის მიმართ ძალადობას, სისტემატური შეურაცხყოფას, შანტაჟს ან დამცირებას, რამაც ფიზიკური ტკივილი ან ტანჯვა გამოიწვია.

დანაშაული ისჯება საზოგადოებისათვის სასარგებლო შრომით ვადით ორასიდან ოთხას საათამდე ან თავისუფლების აღკვეთით ვადით ერთიდან სამ წლამდე.