2020 წელს შინაგან საქმეთა სამინისტრომ გაუპატიურების მუხლით 109 საქმე აღძრა, მიმდინარე წლის მხოლოდ შვიდ თვეში კი — 107. ეს ინფორმაცია შსს-ს მიერ გამოქვეყნებული რეგისტრირებული დანაშაულის სტატისტიკიდან ხდება ცნობილი, სადაც ისიც არის მითითებული, რომ მიმდინარე წლის იანვარ-ივლისში გაუპატიურების მუხლით აღძრული 107 საქმიდან მხოლოდ 60 შემთხვევა იყო გახსნილი.

გაუპატიურების მუხლით (სსკ-ის 137) აღძრული და გახსნილი საქმეების სტატისტიკა გასული წლების განმავლობაში ასეთი იყო:

  • 2017 წელი — აღიძრა 59 საქმე; წლის განმავლობაში გაიხსნა — 18;
  • 2018 წელი — აღიძრა 96 საქმე; წლის განმავლობაში გაიხსნა — 33;
  • 2019 წელი — აღიძრა 119 საქმე; წლის განმავლობაში გაიხსნა — 47;
  • 2020 წელი — აღიძრა 109 საქმე; წლის განმავლობაში გაიხსნა — 41;
  • 2021 წლის შვიდი თვე — აღიძრა 107 საქმე; ამავე პერიოდში გაიხსნა 60;

გარდა გაუპატიურების მუხლისა, შინაგან საქმეთა სამინისტრო სქესობრივი თავისუფლებისა და ხელშეუხებლობის წინააღმდეგ ჩადენილ სხვა სახის დანაშაულებსაც აღრიცხავს. მიმდინარე წლის პირველ შვიდ თვეში შსს-მ ასეთ 200 შემთხვევაზე აღძრა საქმე, საიდანაც უწყებამ 93 საქმე გახსნა.