26 მაისს საქართველო დამოუკიდებლობის აღდგენიდან 25-ე იუბილეს აღნიშნავს. ქვეყნის ყველა თვითმმართველ ქალაქში გაიმართება დამოუკიდებლობის დღისადმი მიძღვნილი გალა-კონცერტი. გარდა ამისა, დაგეგმილია სხვადასხვა აქტივობა თითქმის ყველა რეგიონში. On.ge გთავაზობთ 26 მაისის ღონისძიებების პროგრამას, რომელიც მთავრობის ადმინისტრაციიდან მოგვაწოდეს:

კონცერტები საქართველოს თვითმმართველ ქალაქებში

  • ახალციხე, რაბათის ციხე, დასაწყისი 20:00 საათზე.
  • მცხეთა, ცენტრალური მოედანი, დასაწყისი 20:00 საათზე.
  • თელავი, ერეკლე მეორის მოედანი, დასაწყისი 20:00 საათზე.
  • ბათუმი, ანბანის კოშკთან, დასაწყისი 20:00 საათზე.
  • ოზურგეთი, ზვიად გამსახურდიას სახელობის მოედანი, დასაწყისი 20:00 საათზე.
  • გორი, ქ. გორის ცენტრალური მოედანი, დასაწყისი 18:00 საათზე.
  • რუსთავი, თავისუფლების მოედანი, დასაწყისი 20:00 საათზე.
  • ფოთი, რუსთაველის რკალი, დასაწყისი 20:00 საათზე.
  • ქუთაისი, დავით აღმაშენებლის სახ. ცენტრალური მოედანი, დასაწყისი 20:00 საათზე.
  • ამბროლაური, ცენტრალური მოედანი, დასაწყისი19:00 საათზე.
  • ზუგდიდში კონცერტი არ ჩატარდება. ოკუპირებული აფხაზეთის საზღვართან რამდენიმე დღის მომხდარი მკვლელობის გამო, დამოუკიდებლობის დღე მშვიდობიანი მსვლელობით აღინიშნება.

ღონისძიებები თბილისში

თავისუფლების მოედანი

  • 12:00, თავისუფლების მოედანი - წვევამდელების ფიცის დადების ცერემონია.
  • 11:00 - 21:00 - ყვავილების ფესტივალი.
  • 13:00 - პროექტი „დროის ამბავი“ - ე.წ. დროის კაფსულის ჩადების ცერემონია (მოსწავლე ახალგაზრდობის სასახლის მიმდებარე ტერიტორია).
  • 13:00 - 13:40 / 16:00 - 16:40 / 19:00 - 19:40 - მოძრაობის თეატრის პერფორმანსი.
  • 12:00 - 12:40 / 15:00 - 15:40 / 18:00 - 18:40 - პანტომიმის თეატრის მსვლელობა /ცოცხალი ქანდაკებები.
  • 12:00 – 17:00 ისტორიული ექსპონატების გამოფენა (რუსთაველის თეატრი).
  • 14:00 - 14:30 - ქუჩის თეატრის პერფორმანსი.
  • 13:00 - 14:00 - ბასტი - ბუბუს კონცერტი.
  • 15:00 -16:00 - ბზიკები სტუდიო.
  • 17:00 - 18:00 - ილურიძის ბენდი.
  • 20:00 - 23:00 - გალა-კონცერტი.

რუსთაველის გამზირი

  • ქართული სასოფლო-სამეურნეო პროდუქციის გამოფენა-გაყიდვა, დეგუსტაცია.
  • ახალგაზრდული მუსიკალური ბენდები.
  • ელექტრონული მუსიკის დღე - დღის პროგრამა: Gio Shengelia, COBERT, Sumo, Zurkin.
  • სპორტული ღონისძიებები: ხრიდოლი, შავფაროსნები, გრეხეთბოლი, ჭადრაკი ქუჩაზე, ნარდი, მეკლდეურობა, მკლავჭიდი, ჭიდაობა, მხატვრული ტანვარჯიში, აღმოსავლური ორთაბრძოლები.ქუჩის კალათბურთი.
  • საბავშვო გასართობი ღონისძიებები: თოჯინების თეატრი, მხიარული სტარტები.
  • ისტორიული ექსპონატების გამოფენა (რუსთაველის თეატრი).
  • არტ-კაფეები კულტურის სამინისტროს მხარდაჭერით.
  • საქართველოს 12 ქალაქში - დღის გასართობი ღონისძიებები და გალა-კონცერტები.

სხვადასხვა უწყებების აქტივობები რუსთაველის გამზირზე, თავისუფლებიდან ვარდების მოედნამდე

თავდაცვის სამინისტრო

ადგილმდებარეობა: თავისუფლების მოედანი
შინაარსი: წვევამდელების ფიცის დადების ცერემონიალი, სამხედრო ტექნიკის გამოფენა, უცხოეთიდან მოწვეული ორკესტრების მუსიკალური შოუ.

სოფლის მეურნეობის სამინისტრო

ადგილმდებარეობა: თიბისი ბანკის შენობის კუთხიდან ვილეროის მაღაზიამდე გზის ორივე მხარეს.

შინაარსი: კოოპერატივების გამოფენა-დეგუსტაცია-გაყიდვა, ხის კასრები, ლაუნჯები და ა.შ., სოფლის მეურნეობის სამინისტრო წარმოადგენს ქართული სასოფლო-სამეურნეო პროდუქციის (ღვინო, თხილი, თაფლი, მშრალი ხილი და სხვა) პოპულარიზაციის მიზნით, სახელმწიფო ხელშეწყობით დაფინანსებული საწარმოებისა და სასოფლო-სამეურნეო კოოპერატივების წარმოებული პროდუქციის გამოფენა-გაყიდვას, ასევე პირველი დამოუკიდებელი სახელმწიფოს პერიოდის, აგრარული მიმართულებით, ამსახველ ფოტო-გამოფენას;

ტურიზმის დეპარტამენტი

ადგილმდებარეობა: "უნივერმაღის" შენობის ბოლო ნაწილი.
შინაარსი: ოკულუს ვიდეო-გიდი, მოლაშქრეთა ფედერაცია, მონიტორი ვიზუალით.

განათლების სამინისტრო

ადგილმდებარეობა: “ჯორდანოს” მაღაზიასა და ეროვნულ მუზეუმს შორის კუთხეში.
შინაარსი: ახალგაზრდული მუსიკალური ბენდები (თსუ მუსიკალური ბენდი, ტექნიკური უნივერსიტეტის ბენდი, ილიაუნის ბენდი), ასევე, შერიგების სამინისტროს ფოლკლორული კონცერტი.

სპორტის სამინისტრო

ადგილმდებარეობა: მოსწავლე ახალგაზრდობის შენობის წინ ქუჩაზე (საჭიროების შემთხვევაში მოპირდაპირე მხარესაც).
შინაარსი: ხრიდოლი, შავფაროსნები, გრეხეთბოლი, ჭადრაკი ქუჩაზე, ნარდი, მეკლდეურობა, მკლავჭიდი, ჭიდაობა, მხატვრული ტანვარჯიში, გამოფენები, აღმოსავლური ორთაბრძოლები.

თბილისის მერია

  • ყვავილების ფესტივალი. ადგილმდებარეობა: პირველი სკოლის წინ კიბეებზე და ქუჩის სავალ ნაწილზე.

გალა-კონცერტის სცენა

  • ადგილმდებარეობა: პარლამენტის შენობის წინ
    შინაარსი: თბილისი მერიის კულტურის სამსახური უზრუნველყოფს დღის განმავლობაში საბავშვო კონცერტებს (ბასტი-ბუბუ, ბზიკები), ასევე პანტომიმის წარმოდგენებს. საღამოს გალა კონცერტი დაიწყება 21:00 საათზე რომელიც დასრულდება გრანდიოზული ფეიერვერკით.

ევროინტეგრაციის სამინისტრო

ადგილმდებარეობა: ლესია უკრაინკას ქუჩის მეორე კუთხე
შინაარსი: თაღებიანი კონსტრუქცია ვიზალიბერალიზაციის ინფორმაციული თემატიკით.

იუსტიციის სამინისტრო

ადგილმდებარეობა: ცისფერი გალერეის წინ ჭანტურიას ქუჩის კუთხისკენ.
შინაარსი: 3*4-ზე ჯიხური - ინსტალაცია, მონიტორიდან მოსაუბრე ადამიანი, რომელთანაც ინტერაქციაში შევა ნებისმიერი მსურველი.

კულტურის სამინისტრო 1:

ადგილმდებარეობა: მერიოტის მოპირდაპირე მხარეს ბესიკის ქუჩის კუთხისკენ.
შინაარსი: 10*6 ზე გადახურული კაფე პიანინოს მუსიკალური პროგრამით.

კულტურის სამინისტრო 2:

ადგილმდებარეობა: რუსთაველის თეატრის წინ
შინაარსი: სცენა 40 კვ.მ.- საკონცერტო პროგრამა.

კულტურის სამინისტრო 3:

ადგილმდებარეობა: თეატრალური უნივერსიტეტის მოპირდაპირე მხარეს
შინაარსი: : 10*6 ზე გადახურული კაფე - პიანინოს მუსიკალური პროგრამით.

კულტურის სამინისტრო 4:

ადგილმდებარეობა: მაღაზია “ვანდომეს” წინ (ოპერის ჩასახვევთან)
შინაარსი: სცენა 40 კვ.მ. - საკონცერტო პროგრამით, ბენდების კონცერტები.

კულტურის სამინისტრო 5:

ადგილმდებარეობა: ოპერის მოპირდაპირე მხარეს
შინაარსი: : 10*6 ზე გადახურული კაფე - პიანინოს მუსიკალური პროგრამით.

კულტურის სამინისტრო 6:

ადგილმდებარეობა: ოპერის შენობის წინ
შინაარსი: 1918-1921 წლების მოვლენებისადმი მიძღვნილი თეატრალიზებული დადგმა, მეჯლისი.

ინფრასტრუქტურის სამინისტრო

ადგილმდებარეობა: MOMA-ს შენობის წინ მთელი ტერიტორია 70 მეტრი
შინაარსი: ასაწყობი ფაზლი, კუბები, კუბიკების კონსტრუქციები, ხიდი, გვირაბის კონსტრუქცია მატარებლით, კოშკები, სახლები, ბუშტები დარიგება, ანიმატორები და საბავშვო გასართობი პროგრამები.

გარემოს დაცვის სამინისტრო:

ადგილმდებარეობა: იმელის შენობის წინ გზის ორივე მხარეს.
შინაარსი: ანიმატორები, არიგაის მასტერკლასი, ზიპლაინი, ნატვრის ხე, მზესუმზრის ყვავილები, თოჯინების თეატრი, 3დ პრინტერი, გიფერი და ა.შ.

ენერგეტიკის სამინისტრო:

ადგილმდებარეობა: სმარტის შენობის წინ.
შინაარსი: გადამცემი ხაზების იმიტაცია, ენერგეტიკის ეზოს შექმნა, დღის გასართობი ღონისძიება, ბარი იკანოსთან ერთად, ახალგაზრდული ლაუნჯები პუფებით.

სპორტის სამინისტრო 2:

ადგილმდებარეობა: კაზარიანცის სახლსა და ხეს შორის მოედანზე
შინაარსი: ქუჩის კალათბურთი, მხიარული სტარტები.

შსს

ადგილმდებარეობა: რესპუბლიკის მოედანი.
შინაარსი: უსაფრთხო ქალაქის კონცეფცია, გასართობი აქტივობები.

ისტორიული ექსპონატების გამოფენა

სპორტის სამინისტროს, შსს-ს, პარლამენტის, ეროვნული ბანკის და ეროვნული ბიბლიოთეკის სხვადასხვა ექსპონატის გამოფენა.
ადგილმდებარეობა: რუსთაველის თეატრის ფოიე.