მინსკის რაიონულმა სასამართლომ ბელარუსული ოპოზიციის ერთ-ერთი ლიდერ მარია კოლესნიკოვას 11-წლიანი, ხოლო ოპოზიციის საკოორდინაციო საბჭოს წევრ მაქსიმ ზნაკს 11 წლიანი პატიმრობა მიუსაჯა.

ალექსანდრე ლუკაშენკოს დაქვემდებარეში მოქმედმა სასამართლომ კოლესნიკოვა დამნაშავედ ბელარუსიის სისხლის სამართლის კოდექსის სამი მუხლით ცნო — შეთქმულება ძალაუფლების ხელში ჩაგდების, ექსტრემისტული ჯგუფის შექმნისა და საზოგადოებრივი მოწოდებებისათვის, რომლებიც ეროვნულ უსაფრთხოებას საფრთხეს უქმნის.

მაქსიმ ზნაკი კი დამნაშავედ ძალაუფლების ხელში ჩაგდების მიზნით ექსტრემისტული ჯგუფის შექმნის ბრალდებით ცნეს. ექსტრემისტული ფორმირება და საზოგადოებრივი მოწოდება ქმედებებისათვის, რომლებიც ეროვნულ უსაფრთხოებას საფრთხეს უქმნის.

კოლესნიკოვასა და ზნაკის საქმე

ბელარუსი მუსიკოსი მარია კოლესნიკოვა 12 წელი შტუტგარტში ცხოვრობდა. ის ბელარუსში 2020 წელს დაბრუნდა და ოპოზიციის პრეზიდენტობის კანდიდატის, ვიქტორ ბაბარიკოს შტაბის კოორდინატორი იყო. მისი დაკავების შემდეგ, ის ლუკაშენკოს რეჟიმის წინააღმდეგ პროტესტის ერთ-ერთი მთავარი ფიგურა გახდა. კოლესნიკოვა 8 სექტემბერს ბელარუს-უკრაინის საზღვარზე დააკავეს. ბელარუსის სასაზღვრო სამსახურის ცნობით, მან, საკონსტიტუციო სასამართლოს წარმომადგენლებთან ივან კრავცოვთან და ანტონ როდნენკოვთან ერთად, საზღვრის გარღვევა სცადა, რა დროსაც ის მანქანიდან გადმოაგდეს. კრავცოვმა და როდნენკოვმა მოგვიანებით განაცხადეს, რომ კოლესნიკოვამ პასპორტი დახია და მანქანა იძულებითი დეპორტაციის დროს დატოვა.

ადვოკატი მაქსიმ ზნაკი ასევე სექტემბერში დააპატიმრეს და მას მუხლი ეროვნული უსაფრთხოებისათვის ზიანის მიყენების მიზნით ქმედების წაქეზების ბრალდებით წაუყენეს. ბრალდებებთან შეუთანხმებლობის გამო, ადვოკატმა შიმშილობა დაიწყო, რაც ერთ კვირაზე მეტ ხანს გაგრძელდა.