თბილისის მერის, კახა კალაძის განცხადებით, საქართველოს ექსპრეზიდენტის, მიხეილ სააკაშვილის საქართველოში ჩამოსვლას შესაბამისი სამსახურები ელოდებიან, რათა მან "პასუხი აგოს ჩადენილ დანაშაულებზე".

"გუშინდელი დღიდან მოყოლებული ვზივარ ტელევიზორთან, ვერ ვცილდები, როდის იქნება ეგ მომენტი, რომ რაღაცა თქვას. ჩამოვიდეს, მაგის ჩამოსვლას ელოდება მთელი შესაბამისი სამსახურები. რა თქმა უნდა, უნდა ჩამოვიდეს და აგოს პასუხი იმ დანაშაულებზე, რაც აქვს ჩადენილი", — განაცხადა კალაძემ.

მიხეილ სააკაშვილმა Facebook-ზე დააანონსა, რომ დღეს, 6 სექტემბერს საქართველოში მიმდინარე პროცესებში უშუალო ჩართულობასთან დაკავშირებით განცხადებას გააკეთებს. მას გეგმებზე ამ დრომდე არ უსაუბრია.