თბილისში, ქეთევან წამებულის გამზირზე სასწრაფო დამხარების მანქანა, რომელსაც კორონავირუსით ინფიცირებული პაციენტი გადაჰყავდა, ამოტრიალდა. არაოფიციალური ინფორმაიციით, დაშავდა სამი ადამიანი, თუმცა სასწრაფო სამედიცინო დახმარების ცენტრში აღნიშნული ინფორმაცია არ დაგვიდასტურეს.

"ერთი პაციენტი გადაგვყავდა ინგოროყვას კლინიკაში, რომელიც აღნიშნულ საავადმყოფოში უკვე გადაყვანილია. საბედნიეროდ, არავინ დაშავებულა", — უთხრეს On.ge-ს პრესსამსახურში.

შინაგან საქმეთა სამინისტროში განგვიცხადეს, რომ მომხდარზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.