საქართველოში 4 სექტემბრიდან 8 სექტემბრის ჩათვლით, ტემპერატურის მატებაა მოსალოდნელი, თუმცა რამდენიმე რაიონში მცირე წვიმასა და ქარს ვარაუდობენ. ინფორმაციას გარემოს ეროვნული სააგენტო ავრცელებს.

"4 სექტემბერს გამოიდარებს და 8 სექტემბრამდე, შესაძლოა, მცირე წვიმა აღინიშნოს მხოლოდ ცალკეულ რაიონში. ჰაერის ტემპერატურა +22, +27 გრადუსამდე მოიმატებს. აღმოსავლეთ საქართველოში 4 სექტემბრის დილამდე იქროლებს დასავლეთის მიმართულების ძლიერი ქარი. ღამის საათებში კი ჰაერის ტემპერატურა დაიკლებს. 8 სექტემბრამდე ზოგან იწვიმებს და შესაძლებელია სეტყვაც, ხოლო ჰაერის ტემპერატურა დღის საათებში +23, +28 გრადუსი იქნება", — აღნიშნულია განცხადებაში.

რაც შეეხება თბილისს, გარემოს ეროვნულ სააგენტოში ამბობენ, რომ 4 სექტემბრის დილამდე იქროლებს ჩრდილო-დასავლეთის მიმართულების ძლიერი ქარი, ღამის საათებში ჰაერის ტემპერატურა +13, +15 გრადუსამდე დაიკლებს. 8 სექტემრამდე, ძირითადად ღამისა და საღამოს საათებში, შესაძლოა მცირე ხანმოკლე წვიმა აღინიშნოს. ჰაერის ტემპერატურა 3-5 სექტემბერს +24, +26 გრადუსი დაფიქსირდება, ხოლო 6 სექტემბრიდან +29 გრადუსამდე მოიმატებს.