არჩევნების "უსაფრთხო და მშვიდ გარემოში ჩატარების უზრუნველყოფის მიზნით" ცენტრალურმა საარჩევნო კომისიამ და შინაგან საქმეთა სამინისტრომ ურთიერთთანამშრომლობის მემორანდუმი გააფორმეს. ინფორმაციას ამის შესახებ ცესკო ავრცელებს. მათივე განცხადებით, დოკუმენტს ხელი ცესკოს თავმჯდომარემ და შს მინისტრმა მოაწერეს.

უწყებაში აცახდებენ, რომ მემორანდუმი თანამშრომლობას და კოორდინირებულ მუშაობას ითვალისწინებს, მათ შორის, კომპეტენციის ფარგლებში, ინფორმაციის კოორდინირებულ გაცვლას, ერთობლივი ტრენინგებისა და სამუშაო შეხვედრების ორგანიზებას.

მათივე ინფორმაციით, მსგავსი მემორანდუმი პირველად 2016 წელს გაფორმდა და მას შემდეგ, ყველა არჩევნებთან დაკავშირებით ფორმდება.

"ცესკოსა და შინაგან საქმეთა სამინისტროს კოორდინირებული მუშაობა არჩევნების პროცესში უსაფრთხოების მაქსიმალურ დაცვას უზრუნველყოფს", — აცხადებენ ცენტრალურ საარჩევნო კომისიაში.