ენმ-დან წასული და მესამე ძალასთან გაერთიანებული გრიგოლ ვაშაძე მიიჩნევს, რომ ერთი პოლიტიკური გუნდი ჩარჩენილია წარსულში, მეორე პოლიტიკური გუნდი წარსულის შეცდომებზე ვერ სწავლობს. ეს განცხადება ვაშაძემ დღეს, 30 აგვისტოს, მესამე ძალის პლატფორმის წარდგენისას განაცხადა და საკუთარი გადაწყვეტილება იმით ახსნა, რომ "ჩვენ თუ ეს გავაგრძელეთ, დავკარგავთ სახელმწიფოს და ისტორია მეტ შანსს არ მოგვცემს".

როგორც ვაშაძემ განაცხადა, სამი მიმართულებით არის ის ნაბიჯები გადასადგმელი, რომლის გარეშეც ქვეყანა ვერ განვითარდება.

"რამდენიმე რამე სასწრაფოდ არის გასაკეთებელი. პირველი — პოლიტიკური შეთანხმება, რაც ჩვენმა მოკავშირეებმა ბალტიის რესპუბლიკებმა, სამწუხაროდ, ვისაც ჩვენზე გაცილებით მეტი ჭკუა და გამოცდილება აღმოაჩნდა 90-იანი წლების დასაწყისში გააკეთეს.

მეორე — ნული სიურპრიზები საგარეო პოლიტიკაში. და საერთოდ, ჩვენ მოკავშირეებზე ნუ ლაპარაკობენ ის ადამიანები, ვისაც ეს ან არ ხელეწიფება, ან მათი საქმე არ არის, ან განათლება და ჭკუა არ ჰყოფნით იმისთვის, რომ თავისი ნათქვამის შედეგი განსაზღვროს.

ეკონომიკური განვითარება სახელმწიფოსი — ჩვენ თუ საქართველოს მოქალაქე სიღარიბისგან და სიდუხჭირისგან გაგვექცა საზღვარგარეთ, აღარც ნატო დაგვჭირდება და აღარც ევროპის კავშირი, შეიძლება, ეს სახელმწიფოც დავკარგოთ. აუცილებელია აბსოლუტურად მთელი ყურადღების გადატანა ბავშვებზე და ქალებზე, რადგან ჩვენი დემოგრაფიული კატასტროფის ერთადერთი საშველი ეს არის. ჯანდაცვის პრიორიტეტი უნდა იყოს ბავშვები და ქალის ჯანმრთელობა", — აცხადებს ვაშაძე.

გიორგი ვაშაძემ დღეს პლატფორმა მესამე ძალის წევრები წარადგინა, მათ შორის არის გრიგოლ ვაშაძეც. თუმცა, საარჩევნო კანდიდატებს ორ დღეში დაასახელებენ. ეს არის ის თარიღი, როდესაც კანონმდებლობით კანდიდატების წარდგენის ვადა იწურება.