დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ჯანდაცვის მინისტრის მოადგილის, თამარ გაბუნიას განცხადებით, ჯერჯერობით რეგულაციების შემსუბუქების საფუძველი არ არსებობს. ამის შესახებ მან ჟურნალისტებთან ისაუბრა.

"შემსუბუქების არანაირი საფუძველი არ გვაქვს. ჩვენი დღევანდელი მდგომარეობით სიტუაცია არის საკმაოდ რთული. კლინიკები გადატვირთულია. თითქმის 8 700-მდეა დღეს მობილიზებული საწოლების რაოდენობა, მაქსიმალური დატვირთვით მუშაობს სექტორი, ამდენად ყველა ის რეგულაცია, რომელიც ძალაშია, უნდა აღსრულდეს მაქსიმალური სიმკაცრით", — აცხადებს გაბუნია.

რაც შეეხება, კონკრეტულ რეგულაციას, მაგალითად, ტრანსპორტის აღდგენას, გაბუნიას თქმით, ამასთან დაკავშირებით საკოორდინაციო საბჭოს საბოლოო გადაწყვეტილება არ მიუღია და ამ თემაზე იმსჯელებენ, თუმცა მისი განცხადებით, ჯერჯერობით ყველა არსებული რეგულაცია ძალაში რჩება.

30 აგვისტოს მონაცემებით, საქართველოში კორონავირუსის 1 915 ახალი შემთხვევა დადასტურდა, გამოჯანმრთელდა 5 929, ხოლო გარდაიცვალა — 78 ადამიანი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: