ცენტრალურ საარჩევნო კომისიის (ცესკო) ინფორმაციით, ქართულმა ოცნებამ 3700-მდე ვიდეოკამერა გადასცა, რომლებსაც არჩევნებზე, ხმის დათვლის პროცესის გადასაღებად გამოიყენებენ. გარდა ამისა, ცესკოსა და მმართველი პარტიის წარმომადგენლებმა განიხილეს, როგორ უნდა მოხდეს კამერებით გადაღება და ამ მასალის გასაჯაროება. შეხვედრას ცესკოდან თავმჯდომარე, გიორგი კალანდარიშვილი, მისი მოადგილე გიორგი სიორიძე და ცესკოს წევრი ივანე ნორაკიძე, ქართული ოცნებიდან კი პარტიის საზოგადოებასთან ურთიერთობის მდივანი, შალვა პაპუაშვილი ესწრებოდნენ.

"მოხარული ვართ, რომ ქართულმა ოცნებამ გარკვეული წვლილი შეიტანა იმაში, რომ მომავალ არჩევნებთან დაკავშირებით არ იყოს რაიმე კითხვის ნიშანი და სპეკულაციის საბაბი", — განაცხადა შეხვედრის შემდეგ შალვა პაპუაშვილმა.

ცესკოს ინფორმაციით, 2 ოქტომბერს ხმის დათვლის პროცესს 3 200 საარჩევნო უბანზე გადაიღებენ. იმ უბნებზე, სადაც კამერები არ დამონტაჟდება 300 ან 300-ზე ნაკლები ამომრჩეველია რეგისტრირებული.

ფოტო: ცესკო