ცხელ ზაფხულში ავტომობილის მთავარი კომფორტი მის ინტერიერში მაქსიმალური სიგრილეა. #თეგეტასსახელმძღვანელო მარტივად აგიხსნით, რა არის საჭირო იმისათვის, რომ ზაფხულში ავტომობილში სიცხემ არ შეგაწუხოთ, კონდიცირების სისტემა კი დიდხანს გემსახუროთ.

ჰაერის კონდიცირების სისტემის გამართული მუშაობა და გამძლეობა იმაზეა დამოკიდებული, რამდენად სწორად უვლით მას. თქვენი ყურადღების გამახვილება ისეთ ფაქტზე გვსურს, რომელსაც ყურადღებას ძალიან იშვიათად ან არასდროს აქცევენ ხოლმე.

თუ თქვენი ავტომობილის სალონი გრილდება, კონდიციონერი მუშაობს, მაგრამ დიდი ხანია, სისტემა არ შეგიმოწმებიათ, ნუ იქნებით დარწმუნებული, რომ ყველაფერი წესრიგშია. თუ კონდიციონერს ფრეონი აკლია, კომპრესორი უმეტეს შემთხვევებში მაინც ირთვება და სალონიც გრილდება. შესაძლოა, ისე აღარ აგრილებდეს, როგორც ადრე, მაგრამ მომხმარებელთა უმეტესობისთვის განსხვავება ხშირად შეუმჩნეველია.

სანამ კონდიციონერის მოხმარებას აქტიურად დაიწყებთ აუცილებლად უნდა შემოწმდეს ფრეონის დონე და საჭიროების შემთხვევაში დაემატოს. ეს სერვისი საკმაოდ დაბალი ღირებულებისაა, რაც კონდიციონერის კომპრესორს დაზიანებისგან იხსნის და სამომავლოდ, უფრო დიდ ხარჯს აირიდებთ თავიდან.

გახსოვდეთ: ფრეონის თუნდაც მცირე დოზით ნაკლებობა, კონდიციონერის სისტემის ნელ-ნელა დაზიანებას იწვევს და დიდია იმის შანსი, რომ კომპრესორი მწყობრიდან გამოვიდეს, მისი შეცვლა კი საკმაოდ ძვირი სიამოვნებაა.

თეგეტა მოტორსი გირჩევთ

დაზიანების შემთხვევაში, ახალი ან მეორადი კომპრესორის დაყენებისას აუცილებელია, გამოირეცხოს სისტემა და შეიცვალოს კონდიციონერის ფრეონის ფილტრი. თეგეტა მოტორსის ფილიალებში სისტემის გამორეცხვის სერვისი უახლესი დანადგარით ხდება.

ჰაერის კონდიცირების სისტემის სრულყოფილი მუშაობისთვის აუცილებელია სალონის ფილტრის დროულად შეცვლაც. სალონის ფილტრის გამოცვლა საკმაოდ მარტივია და ეს ნებისმიერ ადამიანს შეუძლია. ნახეთ ვიდეო, რათა გაიგოთ, თუ როგორ უნდა შეცვალოთ სალონის ფილტრი თქვენ თვითონ.

თეგეტა მოტორსში თქვენი ავტომობილის კონდიცირების სისტემას პროფესიონალები შეამოწმებენ და საშუალება გექნებათ ისარგებლოთ სტანდარტული და ახალი თაობის (R1234yf) ფრეონის შემოწმებისა და დამატების სერვისით. თქვენი კომფორტისთვის თეგეტა გთავაზობთ Online რეზერვაციას — დაჯავშნეთ სერვისი თეგეტაში ონლაინ და მიიღეთ მომსახურება რიგში დგომის გარეშე.

რეზერვაციის პროცედურა ძალიან მარტივია, რამდენიმე წუთში თქვენ შეძლებთ ჩაეწეროთ თქვენთვის მისაღებ დროს სასურველ ფილიალში და მიიღოთ მომსახურება. აღნიშნული სერვისით სარგებლობა შესაძლებელია როგორც ონლაინ მოცემულ ბმულზე — reservation.tegetamotors.ge, ასევე თეგეტას ცხელი ხაზის მეშვეობით: (032) 226 44 44

თვალი ადევნეთ #თეგეტასსახელმძღვანელოს და იზრუნეთ თქვენს მანქანაზე თეგეტასთან ერთად, შეხვდით ზაფხულის ცხელ დღეებს მომზადებული.