თბილისში, წყნეთის ქუჩაზე გზა ჩაინგრა. ვაკის რაიონის გამგებლის, დავით კვინიკაძის განცხადებით, აღნიშნულ ტერიტორიაზე დამცავი კედლის მშენებლობის პროცესი მიმდინარეობდა, რა დროსაც ჩაიშალა გრუნტი და გზის ნაწილი ჩაიყოლა.

"მიმდინარეობდა დამცავი კედლის სამშენებლო პროცესი, რა დროსაც ჩაიშალა გრუნტი და ჩაიყოლა გზის ნაწილი. მუშაობს მუნიციპალური ინსპექცია, დაიდება კვლევები და დამატებით მოგაწვდით ინფორმაციას. შეჩერებული არის უკვე მშენებლობა, სანამ არ მოხდება ფერდის გამაგრება, მანამდე სამშენებლო პროცესი არ განახლდება", — განაცხადა გამგებელმა.