გუშინ, 21 აგვისტოს, გვიან ღამით შრომის ინსპექციამ რესტორანი სანსეტ ბათუმი დალუქა. უწყების ინფორმაციით, ადგილზე ფართომასშტაბიანი გასართობი ღონისძიება მიმდინარეობდა.

ბოლო 24 საათის განმავლობაში შრომის ინსპექციის მიერ ეს მესამე დალუქული ობიექტია. ჯამში, ერთ კვირაში, მთელი ქვეყნის მასშტაბით, 18 ობიექტი დაილუქა.

შრომის ინსპექციის სამსახური საზოგადოებას დაწესებული რეკომენდაციების დაცვისკენ კიდევ ერთხელ მოუწოდებს. წინააღმდეგ შემთხვევაში კი, კანონით განსაზღვრული ღონისძიებების გატარების შესახებ აფრთხილებს.