NCDC-ის დირექტორის მოადგილე, ამირან გამყრელიძე ამბობს, რომ მასწავლებლების სწავლის კლასებში დაწყებას არ ემხრობა იქამდე, სანამ მასწავლებლებისა და ადმინისტრაციის 80% აცრილი არ იქნება.

"სკოლებს უსაფრთხოს ვუწოდებდით იმ შემთხვევაში, თუ მასწავლებლებისა და მარტო მასწავლებლების არა, ადმინისტრაციული პერსონალის, რომელთაც ბავშვებთან შეხება აქვთ, 80% იქნებოდა აცრილი. რა თქმა უნდა, იქ, სადაც 80% იქნება აცრილი, შესაძლებელია და პირიქით — უნდა წავახალისოთ, რომ დაიწყოს დასწრებული სწავლება", — განაცხადა მან.

გამყრელიძე ამბობს, რომ თუ სიტუაცია ისეთი იქნა, როგორიც დღესაა, დაავადებათა კონტროლის ცენტრი სწავლის დაწყებასთან დაკავშირებით რეკომენდაციას ვერ გასცემს.