"ჩემთვის არაფერი არ შეცვლილა რა, მაინც მასე ვცხოვრობდი, არც ზედმეტად ვიბან და არც ისე" — ასე საუბრობს ბოდბელი ეპისკოპოსი იაკობი პანდემიისას შემოღებულ რეგულაციებსა და რეკომენდაციებზე. იმის ნაცვლად, რომ მრევლს წესებისა და ვირუსისგან თავის დაცვისკენ მოუწოდოს, იაკობი საუბრობს იმაზე, რომ ხელ-პირის დაბანა ქვეყანაში აქამდეც იცოდნენ.

"მე მასეთი ცხოვრებაც არ მინდა პირადად, რასაც... როგორც ბერი, ჩემთვის არაფერი არ შეცვლილა რა, მაინც მასე ვცხოვრობდი, არც ზედმეტად ვიბან და არც ისე. მაგასაც სანამ ახლა მივხვდებოდა რომ ხელები უნდა გვებანა, ბევრმა ვიცოდით საქართველოში ხომ მაგი ხელის ბანა არის თუ პირის ბანა და უნდა შევეცადოთ, რომ ერთმანეთს გავუფრთხილდეთ", — თქვა მან ქადაგებისას. .

ბოდბელი ეპისკოპოსის ბოლო სიტყვებს, "შევეცადოთ, რომ ერთმანეთს გავუფრთხილდეთ", ეწინააღმდეგება მისი შემდეგი ფრაზები. ის ავრცელებს ცრუ ინფორმაციას, თითქოს ვაქცინაციისას ადამიანი ინფიცირდება. ანტივაქსერული მოწოდებებით ეპისკოპოსი ზრდის უნდობლობას არსებული ვაქცინებისადმი და მრევლს ეუბნება, რომ მოვა დრო და "ნამვდილი ვაქცინა იქნება", თუმცა იაკობს არ აქვს არანაირი მეცნიერული არგუმენტი თავისი მოსაზრებების გასამტკიცებლად.