პროკურორი, არჩილ ტყეშელაშვილი ამბობს, რომ დეკანოზმა გიორგი მამალაძემ გერმანიაში გამგზავრებამდე ბანკიდან 30 ათასი ლარის ოდენობით სესხი აიღო. ამის შესახებ პროკურორმა გაზეთ კვირის პალიტრას განუცხადა.

"დადგენილია, რომ გერმანიაში გამგზავრების წინ გიორგი მამალაძე მიდის ბათუმში, სადაც ბანკიდან გამოაქვს სესხი - 30 000 ლარი. ამის შემდეგ აღარ დაკავშირება ირაკლი მამალაძეს. ბრალდებულს დაკავებისას აღმოაჩნდა 4 500 ევრო და 500 აშშ დოლარი, რაც ეკვივალენტია 14 000 ლარის, ხოლო სხვაობა გამგზავრებამდე გახარჯა. ვის გადაუხადა ეს თანხა და ვისგან შეიძინა ციანიდი, ამაზე გამოძიება მუშაობს," - უთხრა კვირის პალიტრას პროკურორმა.

რამდენიმე დღის წინ საქართველოს პროკურატურამ ე.წ. ციანიდის საქმეზე გამოძიების შუალედური შედეგები გამოაქვეყნა, რომელსაც თან ერთვოდა ჩანაწერი. აღნიშნული ვიდეომასალა ჟურნალისტმა გიორგი მამალაძემ პროკურატურასთან შეთანხმებით ჩაწერა. გამოძიება დეკანოზს საქართველოს მართლმადიდებლური ეკლესიის პატრიარქის მდივან-რეფერენტის, შორენა თეთრუაშვილის მკვლელობის მომზადებას ედავება.