საქართველოს თავდაცვის სამინისტროს სამხედრო პოლიციის დეპარტამენტმა, 2017 წლის 12 მარტს, შპს სამშენებლო კომპანია მშენებელი 2011-ის ორი თანამშრომელი 243 ათასი ლარის მითვისების ბრალდებით დააკავა.

საგამოძიებო სამსახურის ინფორმაციით, 2015-2016 წლებში, ერთ-ერთი დაკავებული პირი, რომელიც შპს სამშენებლო კომპანია მშენებელი 2011-ის საფინანსო განყოფილების უფროსის თანამდებობაზე მუშაობა მეორე დაკავებულს პერიოდულად ურიცხავდა სხვადასხვა ოდენობის თანხას. გამოძიება ამ თანხის მითვისების საქმეზე მიმდინარეობს.

სამხედრო პოლიცია საქმეს სისხლის სამართლის კოდექსის 182-ე მუხლის II ნაწილის „დ“ და III ნაწილის “ბ” პუნქტებით იძიებს. ამ მუხლებით, სხვისი ნივთის ან დიდი ოდენობით ქონებრივი უფლების მართლსაწინააღმდეგო მითვისებას ან გაფლანგვა შვიდიდან თერთმეტ წლამდე თავისუფლების აღკვეთით ისჯება.