TV პირველის ჟურნალისტის, ეკა მიშველაძის განცხადებით, მისი სახლი გაქურდეს. ჟურნალისტის თქმით, სახლში შესვლისას კარი დაკეტილი არ დახვდა, კარადა ღია იყო, ნივთები კი არეული. მისივე თქმით, პირველადი დაკვირვებით ბინიდან არაფერია წაღებული და ეჭვობს, რომ ეს დაშინების მცდელობაა.

"ძალიან უცნაურია ეს ყველაფერი, ძალიან ბევრ კითხვას და ეჭვს მიჩენს. პირველ რიგში, ეჭვი მაქვს იმაზე, რომ შეიძლება იყოს დაშინების მცდელობა. ეს არის ჩემი ფაქტობრივი მისამართი, მაგრამ მე სხვაგან ვცხოვრობ. შესაბამისად, არ ვიცი, შესაძლოა ჩემს და ჩვენს ბოლოდროინდელ აქტივობებსაც უკავშირდებოდეს", — განაცხადა მან.

მიშველაძე ამბობს იმასაც, რომ ეს გამოძიებამ უნდა დაადგინოს. ამ ეტაპზე ადგილზე მუშაობენ სამართალდამცავები.