თეოლოგი და ყოფილი სასულიერო პირი, ბასილ კობახიძე ამბობს, რომ ქვეყანაში ანტივაქსერთა რაოდენობა მცირეა და ხალხის უმრავლესობა ეკლესიის ქადაგების გამო არ იცრება.

"საქართველოში საერო კონსპიროლოგიური თეორიების გამო ანტივაქსერების რაოდენობა არის მიკროსკოპულად მცირე. უმრავლესობა ხალხის, რომელიც არ იცრება, ამას აკეთებს ეკლესიის, სამღვდელოების ქადაგების გამო. სწორედ რომ, დღეში 50 ადამიანი იღუპება, ამ ფონზე ასეთი განცხადების გაკეთება, პილატესავით ხელების დაბანა და იმის თქმა, რომ პატრიარქი აიცრება თუ არა, ამას არანაირი მნიშვნელობა არ აქვს ხალხისთვის, ეს არის, უბრალოდ, ანტიქრისტიანული, ახლა რბილად ვამბობ, უპასუხისმგებლო და უბრალოდ, არაადამიანური განცხადებაა, როდესაც ასეთ კატასტროფაში ვართ ჩვენ, თუ ჩემს ოჯახს ან სხვის ოჯახს ჯერ არ შეეხო, 50 ადამიანი იღუპება დღეში და 5000-ზე მეტი ინფიცირებულია, რომელიც მოიტანს უფრო მეტ დაღუპვას", — განაცხადა მან ფორმულას ეთერში.

ილია II-ს განცხადებით, აიცრება თუ არა პატრიარქი, ეს განმსაზღვრელი არ შეიძლება იყოს სხვათათვის.