აჭარაში, 102 წლის ემინე ჯორბენაძე აიცრა. ის უხუცესი ქალია, ვინც კოვიდსაწინააღმდეგო ვაქცინაციის პროცესში ჩაერთო. ემინე ჯორბენაძემ Pfizer-ის პირველი დოზა დღეს, ბათუმის რესპუბლიკურ კლინიკურ საავადმყოფოში ჩაიტარა.

"ჩემი ხანგრძლივი ცხოვრების განმავლობაში მესამე პანდემიას მოვესწარი. ას წელზე მეტის ვარ, მაგრამ სიცოცხლე მინდა. მჯერა, რომ ვაქცინაცია დამიცავს ამიტომ მოვედი და ჩავიტარე. თავს კარგად ვგრძობ და მჯერა, კიდევ ბევრ წელს ვიცოცხლებ", — განაცხადა ემინე ჯორბენაძემ აცრის მიღების შემდეგ.

ემინე ჯორბენაძე მოუწოდებს ასაკოვნებს, არ შეშინდნენ და ჩაიტარონ აცრა. ის ამბობს, რომ გადარჩენის ერთადერთი მთავარი საშუალება ვაქცინაციაა.

აღსანიშნავია, რომ დღეს კორონავირუსის საწინააღმდეგო ვაქცინით აიცრნენ უხუცესთა ანსამბლ ბერმუხას წევრებიც. მათგან ყველაზე უმცროსი 69 წლის თემურ აბულაძეა, ხოლო ყველაზე უფროსი 98 წლის მუხამედ ირემაძე.