IRI-ის კვლევის თანახმად, გამოკითხული მოსახლეობის 88%-ს საქართველოს პატრიარქი მოსწონს, 58%-ს — თბილისის მერობის კანდიდატი, კახა კალაძე, 56%-ს ყოფილი პრემიერმინისტრი, გიორგი გახარია, ხოლო 40%-ს მოქმედი პრემიერმინისტრი, ირაკლი ღარიბაშვილი.

მათ შემდეგ, ნაციონალური მოძრაობის ლიდერი, ნიკა მელია 39%-ით, ხოლო ლელოს წევრი, დავით უსუფაშვილი 36%-ით მოსდევს.

ფოტო: IRI

დანარჩენი რეიტინგები ასე ნაწილდება:

  • ანა დოლიძე — 34%;
  • სალომე ზურაბიშვილი — 31%;
  • ელენე ხოშტარია — 30%;
  • გიორგი ვაშაძე — 30%;
  • ირაკლი კობახიძე — 30%;
  • შალვა ნათელაშვილი — 29%;
  • ალეკო ელისაშვილი — 27%;
  • კახა კუჭავა — 25%;
  • მამუკა ხაზარაძე — 24%;
  • ზურაბ ჯაფარიძე — 20%.

კვლევა ჩატარდა საერთაშორისო რესპუბლიკური ინსტიტუტის კვლევების ცენტრის სახელით, ბალტიის კვლევებისა და გელაპის ორგანიზაციის წარმომადგენლის დოქტორი რასა ალიშაუსკინეს მიერ. კვლევა მიმდინარეობდა 2021 წლის 15-30 ივნისის პერიოდში პირისპირ ინტერვიუს ფორმატით.

შერჩევა მოიცავდა საარჩევნო ხმის მიცემის უფლებისა და ასაკის მქონე 1 500 რესპონდენტს. მონაცემები შეწონილ იქნა ასაკის, გენდერის, რეგიონისა და დასახლების ზომის შესაბამისად. კვლევა ჩატარდა ქვეყნის მასშტაბით ყველა სოფელსა და რაიონში, გარდა ოკუპირებული რეგიონებისა.

ცდომილების ზღვარი წარმოადგენს +/- 2,5 პროცენტს, გამოპასუხების მაჩვენებელი — 74 პროცენტია.