თურქეთის სანაპიროების სამხრეთ-დასავლეთ ნაწილიდან, სადაც ხანძარი მძვინვარებს, ტურისტების ევაკუაცია მიმდინარეობს. აღნიშნულზე ინფორმაციას BBC ავრცელებს.

მათი ცნობით, ქალაქ ბოდრუმში 5-ვარსკვლავიანი სასტუმროებიდან ხალხი უკვე გაიყვანეს.

ხანძრის შედეგად, რომელიც ოთხშაბათიდან მძვინვარებს, 6 ადამიანი დაიღუპა.

მიმდინარე კვირას თურქეთის ეგეოსისა და ხმელთაშუაზღვის რეგიონებში 70-ზე მეტი ტყის ხანძარი გაჩნდა.

თურქეთის პრეზიდენტი, რეჯეფ თაიფ ერდოღანი ეწვია ქალაქს, სადაც ხანძრის შედეგად 5 ადამიანი გარდაიცვალა და პირობა დადო, რომ მთავრობა ყველაფერს გააკეთებს იმ ადამიანების დასახმარებლად, ვინც ხანძრის შედეგად დაშავდა.