შინაგან საქმეთა სამინისტრო მთაწმინდის ფერდობზე ცხედრის პოვნას ადასტურებს, თუმცა უწყებაში ამ დროისთვის ვერ გვეუბნებიან, არის თუ არა ეს ავსტრალიის გაუჩინარებული მოქალაქის, შანაე ბრუქის ცხედარი.

უცხოელი ქალის ახლობელი კი მედიასთან ამბობს, რომ მთაწმინდის ფერდობზე შანაე ბრუქის ცხედარი იპოვეს. ასევე, ვრცელდება ადგილზე აღმოჩენილი ტანსაცმლის ფოტოები. On.ge შსს-სგან ელოდება ინფორმაციის დაზუსტებას.

დღეს, 31 ივლისს გავრცელდა ინფორმაცია, რომ თბილისში დაკარგული ავსტრალიის მოქალაქე, შანაე ბრუქი მთაწმინდის ფერდობზე გარდაცვლილი იპოვეს.

შანაე ბრუქის მეგობრები Facebook-ზე წერდნენ, რომ ის 30 ივლისს დღის მეორე ნახევრიდან, მთაწმინდის რაიონში სეირნობის შემდეგ დაიკარგა. ბრუქის ერთ-ერთი მეგობრის თქმით, შანაე ბოლოს ტელეფონზე მეგობარს ელაპარაკებოდა, როდესაც მას მოულოდნელად თავს დაესხნენ, ის კი დახმარებისთვის ყვიროდა.

განახლება:

შსს ადასტურებს, რომ მთაწმდინდის ფერდობზე ავსტრალიის მოქალაქის ცხედარი იპოვეს. შსს-ს განცხადებით, დაინიშნება შესაბამისი ექსპერტიზები და ყველა საჭირო ოპერატიული და საგამოძიებო და ღონისძიება ტარდება.