ერთიანი ნაციონალური მოძრაობის ერთ-ერთი ლიდერი, ხატია დეკანოიძე პოლიციის განყოფილებაში გუშინ, 24 ივლისს ინტერვიუს ჩაწერის დროს მიყენებული შეურაცხყოფის ფაქტზე გამოკითხეს.

"გამომკითხა გამომძიებელმა. საკმაოდ ამომწურავად ვისაუბრეთ ყველაფერზე. მოვუყევი რა საფრთხეს ვხედავ, როგორია მისი [აგრესორი პირის] დამოკიდებულება სოციალურ ქსელში. ზოგადად თქვეს, რომ იდენტიფიცირებულია ადამიანი, მაგრამ რა იქნება შემდგომი ნაბიჯები არ ვიცი", — განაცხადა დეკანოიძემ მთავარ არხთან.

24 ივლისის დილით, როცა ხატია დეკანოიძე მთავარი არხისა და რუსთავი 2-ის ჟურნალისტებს ინტერვიუს აძლევდა, დეკანოიძე ამბობს, რომ კაცი მანქანის დაჯახებას ცდილობდა. კადრებში ჩანს, რომ დეკანოიძე ადგილიდან ჟურნალისტის გამოწევას ცდილობს, შემდეგ კი მანქანიდან ისმის გინება: "ნაციონალების დედა შევე*ი, გაა*ვი". ამის საპასუხოდ, დეკანოიძე კაცს ეუბნება, რომ პოლიციას გამოიძახებს, რაზეც მისი პასუხია, რომ გამოიძახოს და არ ეშინია. ის გინებას მანქანიდან გადმოსვლის შემდეგაც აგრძელებს.