საქართველოს პრემიერ-მინისტრი, გიორგი კვირიკაშვილი იტალიაში იტალია-საქართველოს ერთობლივი ბიზნესფორუმის გახსნას დაესწრო და ადგილობრივ ბიზნესმენებს საქართველოს ბიზნესგარემო გააცნო. პრემიერის ვიზიტის შესახებ ინფორმაციას მთავრობის ადმინისტრაცია ავრცელებს.

უწყების პრესსამსახურის ინფორმაციით, კვირიკაშვილმა ფორუმზე ყურადღება გაამახვილა საქართველოში არსებულ დაბალი ტარიფებზე, მსუბუქ საბაზრო რეგულაციებსა და იმ საკითხებზე, რომელიც მისი აზრით, მომხიბვლელი იქნებოდა პოტენციური ინვესტორებისთვის.

"საქართველოში არის მსოფლიოში ერთ-ერთი საუკეთესო ბიზნესგარემო, რომელიც ყოველწლიურად კიდევ უფრო უმჯობესდება. ამჟამად საქართველოს მთავრობა ახორციელებს რეფორმების ოთხპუნქტიან გეგმას, რომელიც შედეგად მოიტანს მნიშვნელოვან ხარისხობრივ წინსვლას საქართველოში, როგორც აღმავლობის მდგარი ეკონომიკის მქონე ქვეყანაში, რომელიც ისწრაფვის მრავალფეროვნებისა და ცოდნაზე დაფუძნებული წინსვლისკენ," - პრესსამსახურის ინფორმაციით, ეს განცხადა პრემიერმა.

მათივე ინფორმაციით, კვირიკაშვილმა ისაუბრა ანაკლიის პორტზეც, რომელიც, მისი თქმით, ერთადერთი პორტია შავი ზღვის აღმოსავლეთ სანაპიროზე.