თბილისში დღეიდან 40-თეთრიანი ტარიფით მოძრავი მიკროავტობუსებით მგზავრობა 25 პროცენტით გაძვირდა და 50 თეთრი გახდა. ტარიფის ზრდა სხვა სამარშუტო ხაზებს არ შეხებია.

თბილისის მიკროავტობუსის საზოგადოებასთან ურთიერთობის სამსახურის ხელმძღვანელი, ნათია მიქიაშვილი ამბობს, რომ მხოლოდ იმ ხაზებზე გაიზარდა ღირებულება, რომელთა ფასიც მუნიციპალური ტრანსპორტის მგზავრობაზე იაფი ღირდა.

"ეს ზედმეტი თანხა შემოვა კომპანიაში, რომ კომპანიამ გააგრძელოს ფუნქციონირება... ყველა ის დიდი ხარჯი, რომელიც მიკროავტობუსს აქვს (იატაკის შეცვლა, კონდიცირების გამართვა და ა.შ.) კომპანიას უწევს, რომ გაწიოს," - აღნიშნავს მიქიაშვილი.

მიქიაშვილის თქმით, გაზრდილი ტარიფით კომპანია გაზრდილ ხარჯებს ნაწილობრივ დაფარავს.