ვაშინგტონში თეოლოგიის მეცნიერებათა დოქტორის, პოლ კრეგოს განცხადებით, პატრიარქის თანამოსაყრდე შიოს საკანონმდებლო წინადადება, რომელიც რელიგიური გრძნობების შეურაცხყოფას ეხება, რუსეთისა და პუტინი მიდგომებს იდეალურად ერგება. ამის შესახებ მან ამერიკის ხმასთან ინტერვიუში ისაუბრა.

"არ ვფიქრობ, რომ ქართულ მართლმადიდებელ ეკლესიაში ჰომოფობია რუსებმა შექმნეს. მაგრამ რელიგიური და ეროვნული გრძნობების შეურაცხყოფის შესახებ თანამოსაყდრე შიოს საკანონმდებლო წინადადების მთელი იდეა იდეალურად ერგება პუტინისა და რუსეთის მთავრობის მიდგომებს. ეს ნამდვილად არის სიტყვისა და გამოხატვის თავისუფლების საკითხი. ეს არ უნდა იყოს კარგი ქართული ოცნებისთვის, საქართველოს მთავრობისთვის", — განაცხადა მან.

მისი თქმით, სამწუხაროა, რომ ეკლესიის ნაწილი "უსიამოვნო განცახდებებს" აკეთებს. კრეგო აქვე მიუთითებს, რომ სიძულვილი ქრისტიანული ფასეულობა არ არის.

"არ მინდა მთელი ეკლესია განვსაჯო, თუმცა ძალიან სამწუხაროა ფაქტი, რომ საქართველოს მართლმადიდებელი ეკლესიის ნაწილი ძალიან უსიამოვნო განცხადებებს აკეთებს. სიძულვილი არ არის ქრისტიანული ფასეულობა. ისინი მუდამ საუბრობენ ეროვნულ და ქრისტიანულ ფასეულობებზე. ისინი ამბობენ, რომ მათ სძულთ ცოდვა და არა ცოდვილი, მაგრამ შემდეგ ადამიანებს სცემენ. ეს არ შეესაბამება მათ გზავნილებს", — აცხადებს ის.

ძალადობრივ კონტრაქციაზე გაჟღერებულ რელიგიური გრძნობების შეურაცხყოფის შესახებ კანონს გამოეხმაურა რელიგიათა საბჭოც. ხელმომწერებმა 10 ივლისს აღნიშნეს, რომ ამას არ მიესალმებიან და ძალადობა დაგმეს.