ბათუმში ჟურნალისტებმა საკრებულოს სხდომის დაწყების წინ კოლეგის, ლექსო ლაშქარავს გარდაცვალება გააპროტესტეს. ბათუმელების ინფორმაციით, ისინი თავმჯდომარის ტრიბუნასთან ლექსოს ფოტოებით მივიდნენ და პერმიერმინისტრის გადადგომა და დამნაშავეების დასჯა კიდევ ერთხელ მოითხოვეს.

საკრებულოს თავმჯდომრემ განაცხადა, რომ პროტესტით ჟურნალისტები რეგლამენტს ურღვევენ და ეს "ძალიან, ძალიან ცუდ საქციელად" შეაფასა.

TV 25-ის გავრცელებულ კადრებში ჩანს, რომ ფოტოები და წარწერები "დაისაჯოს დამნაშავე" ჟურნალისტებმა დეპუტატების სამუშაო მაგიდებზე დატოვეს.

ფოტო: კადრები ვიდეოდან / TV 25

სხდომაზე სიტყვით გამოსვლისას საკრებულოს თავმჯდომარემ თქვა ფრაზა — "კატეგორიულად ვგმობთ ძალადობას, მაგრამ..." — ჟურნალისტებმა მას საუბარი შეაწყვეტინეს და მიუთითეს, რომ ძალადობის შემდეგ მაგრამს არ ამბობენ. დეპუტატების ნაწილმა ჟურნალისტებს მოუწოდეს, რომ თავმჯდომარისთვის საუბრის საშუალება მიეცათ.

5-6 ივლისს ძალადობრივი კონტრაქციის მონაწილე ჰომოფობიური ჯგუფების მიერ მედიაზე ძალადობის შედეგად მედიის 50-ზე მეტი წარმომადგენელი დაშავდა, TV პირველის ოპერატორი, ლექსო ლაშქარავა კი, რომელიც მძიმედ იყო დაშავებული 11 ივლსს გარდაიცვალა. ამის გამო, მედიამ იმ დღესვე საპროტესტო აქცია გამართა, რადგან სახელმწიფომ მედიის და გამოხატვის უფლების დაცვა ვერ/არ უზრუნველყო და ღარიბაშვილის გადადგომა მოითხოვა, რასაც საზოგადოების დიდი ნაწილიც შეუერთდა. საპასუხოდ ღარიბაშვილმა ჟურნალისტებზე ძალადობა ნაციონალურ მოძრაობას დააბრალა. მედიის პროტესტი გრძელდება.