საარჩევნო პროცესში ძალადობის დასჯასთან დაკავშირებულ ინიციატივას გოგი თოფაძე ეხმაურება და ამბობს, რომ ეს კანონმდებლობის გამკაცრებას თავისი ნორმები უნდა ჰქონდეს:

"გამკაცრდება, ხო, მაგრამ იმ გამკაცრებას რაღაც თავისი ნორმები უნდა ჰქონდეს. გამკაცრდა და ეგეთი რაღაცეები კი, მაგრამ გააჩნია საიდან იწყება ეს პროვოკაციები.

ქართულ ოცნებას არაფერი არ აწუხებს, იმას შეუძლია როგორც იქნება საჭირო, ის გადაწყვეტილება მიიღოს და ის კანონი ჩამოაყალიბოს, პრობლემა აქვთ ჩვენს ოპონენტებს, რომლებიც გრძნობენ, რომ დაკარგეს ხელისუფლების ბერკეტები. ეყოთ ის ცხრა წელი, რომელიც გვაწვალეს და გვაწიაწეს მთელი საქართველო".

პრემიერმინისტრის დავალებით იუსტიციის სამინისტრომ საკონონმდებლო ცვლილებები შეიმუშავა, რომელთა თანახმადაც, წინასაარჩევნოდ და არჩევნების პერიოდში ძალადობის მუქარა, ან ძალადობა დასჯადი ქმედება გახდება. სისხლის სამართლის კოდექსის ახალი მუხლის თანახმად, ჯგუფური დანაშაული 4 წლამდე თავისუფლების აღკვეთით დაისჯება. იმ შემთხვევში კი, თუ პირს ფიზიკურ დაზიანებას არ მიაყენებენ, მისი სასჯელი ჯარიმით, ან 2 წლამდე პატიმრობით განისაზღვრება.