"მეგონა ისე მოვკვდებოდი რომ ჩემს სათქმელს მხოლოდ მიკროფონიდან ვეტყოდი მაყურებელს, მეც არ მჯერა ამდენი ხალხის წინაშე პოლიტიკური მოთხოვნით რომ გამოვდივარ, გადადგეს ირაკლი ღარიბაშვილი, მიყვეს ყველა მოძალადე, ვინც ეს დაგეგმა", — განაცხადა TV პირველის წამყვანმა, ინგა გრიგოლიამ პარლამენტთან მიმდინარე აქციაზე სიტყვით გამოსვლისას. მან მოძალადეებსაც მიმართა და განაცხადა, რომ არავის ეშინია მათი კუნთების, წვერების და მუქარის.

გრიგოლიამ სიტყვა მისცა გარდაცვლილ ოპერატორს, რომ მის საქმეს ბოლომდე მიიყვანენ და არაფერს გააშუქებენ სხვას არაფერს მისი სიკვდილის გარდა.

"იმ დღეს ხელისუფლებამ მოაწყო სპეცოპერაცია ქართული მედიის წინააღმდეგ. არავის გვჯერა, არავინ ვართ ისეთი ბრიყვები ის დავიჯეროთ, რომ ეს შავრაზმული ძალების დაგეგმილი იყო. სად იყო მაშინ სპეცრაზმი აქედან რომ ტყვიებს ესვრის ხოლმე მოქალაქეებს და მედიას. სად იყო პოლიცია, თუ არ იყო ეს თქვენი დაგეგმილი.

პირველად გამოვდივარ, ჩემს სიცოცხლეში პირველად გამოვდივარ მიტინგზე თქვე არაკაცებო. მეგონა ისე მოვკვდებოდი რომ ჩემს სათქმელს მხოლოდ მიკროფონიდან ვეტყოდი მაყურებელს, მეც არ მჯერა ამდენი ხალხის წინაშე პოლიტიკური მოთხოვნით რომ გამოვდივარ, გადადგეს ირაკლი ღარიბაშვილი, მიყვეს ყველა მოძალადე, ვინც ეს დაგეგმა. გადადექით, სირცხვილია, ახლაგაზრდები ხართ, შვილები ხომ გეზრდებათ. ასე ფსკერზე როგორ დაეშვით დღეს გარდაცვლილ ჩვენს კოლეგას რომ შეურაცხყოფთ თქვენი ბრიფინებით, თქვე უნამუსოებო.

არავის არ გვაინტერესეს თქვენი ეს ბრიფინები. არც თქვენი ექსპერტიზის პასუხები, არც გავაშუქებთ ამას. საერთოდ აღარ მაქვს მე პირადად არცერთი კითხვა ხელისუფლების მიმართ. რაზე უნდა ვილაპარაკოთ მას მერე, როცა ლექსოს დავკრძალავთ. რაზე? საარჩევნო კანონმდებლობაზე, ცესკოს დაკომპლექტებაზე, თუ რაზე? აღარ მაინტერესებს არცერთი თემა, აიღეთ პასუხისმგელობა", — განაცხადა გრიგოლიამ.