საქართველოს პრეზიდენტის ადმინისტრაციის ხელმძღვნელი, გიორგი აბაშიშვილი ამბობს, რომ თუ პრეზიდენტის "არაკორექტულ საუბარზეა" დამოკიდებული, როგორი იქნება ამ თანამდებობაზე პირების არჩევის წესი "კონსტიტუციაში პირდაპირ ჩაგვეწერა ხასიათის გამოვლენის აკრძალვის ვალდებულება საქართველოს პრეზიდენტის, მედიისა და საზოგადოებისთვის".

,,დღეს საკონსტიტუციო კომისიის თავმჯდომარემ გაგვაცნო მისეული ხედვა ქვეყანაში მიმდინარე კონსტიტუციურ პროცესებთან დაკავშირებით. მისი თქმით, ქვეყანაში კონსტიტუცია უნდა იცვლებოდეს არა ფუნდამენტურ ანალიზზე დაყრდნობით, არამედ პრეზიდენტის კომენტარების ხასიათიდან გამომდინარე,” - აღნიშნა აბაშიშვილმა.

ამით აბაშიშვილი საქართველოს პარლამენტის თავმჯდომარეს, ირაკლი კობახიძეს გამოეხმაურა, რომელმაც თქვა, რომ იმ შემთხვევაში, თუ პრეზიდენტი გააგრძელებს არაკორექტული განცხადებების კეთებას, საკონსტიტუციო კომისია იფიქრებს, რომ პირდაპირი წესით პრეზიდენტის არჩევის წესის გაუქმება კონსტიტუციაში მომავალი წლიდანვე ჩაიწეროს.