იუსტიციის უმაღლესი საბჭოს მოსამართლე წევრი, დიმიტრი გვრიტიშვილი ამბობს, რომ მოსამართლეთა კორპუსში არსებობს მოსაზრება იმის შესახებ, რომ სტრატეგიული პარტნიორი ქვეყნების წარმომადგენლების ქმედებები არ შეესაბამება სუვერენულ სახელმწიფოსთან ურთიერთობის პრინციპებს.

"მოსამართლეთა კორპუსის აღქმაში, როგორც ჩანს, არსებობს ასეთი მოსაზრებაც, რომ ჩვენი სტრატეგიული პარტნიორი ქვეყნების წარმომადგენლების ქმედებები არ შეესაბამება დემოკრატიულ, სამართლებრივ და სუვერენულ სახელმწიფოსთან ურთიერთობის პრინციპებს", — აცხადებს გვრიტიშვილი.

მისივე თქმით, დღეს გამართულ შეკრებაზე გააპროტესტეს სასამართლო ხელისუფლების დისკრედიტაციისკენ მიმართული დეზინფორმაციული კამპანია გააპროტესტეს.

"გავაპროტესტეთ ის დეზინფორმაციული კამპანია, რომელიც მიმდინარეობს ყოველგვარი მტკიცებულების გარეშე, რომელიც მიმართულია სასამართლო ხელისუფლების დიკსრედიტაციისკენ და რომელიც მიზნად ისახავს სასამართლოს დამოუკიდებლობის ხელყოფას. გამახვილდა ყურადღება ისეთ მიუღებელ ფორმებზე, რომელიც არის, მაგალითად, სატელევიზიო კლიპების და სპეციალური ფილმების დამზადებაც ცილისმწამებლური კამპანიით გაჯერებული. დავაფიქსირეთ მოთხოვნა და მოწოდება ყველა სუბიექტის მიმართ, ვინც არ უნდა იყოს ის, სახელისუფლებო შტოები, არასამთავრობო ორგანიზაციები თუ სხვა. მოვუწოდებთ, რომ შეწყვიტოს სასამართლო ხელისუფლების დამოუკიდებლობაში ჩარევა და მისი ხელყოფის მცდელობა", — ამბობს გვრიტიშვილი.

დღეს, 27 ივნისს იუსტიციის უმაღლეს სკოლაში მოსამართლეების შეხვედრა გაიმართა.