ისლანდიელები აღარ არიან ვალდებული პირბადეები ატარონ და დისტანცია დაიცვან, რადგან ქვეყანაში Covid-19-თან დაკავშირებული ყველა შეზღუდვა მოიხსნა.

"ჩვენ აღვადგენთ საზოგადოებას, რომელშიც ვცხოვრობდით და რომელსაც ვნატრობდით", — განაცხადა ჯანდაცვის მინისტრმა.

მისივე თქმით, ისლანდია ევროპაში პირველი ქვეყანა იქნება, რომელმაც კორონავირუსთან დაკავშირებული ყველა შეზღუდვა მოხსნა.

მთავრობის განცხადებით, ისლანდიელების 87% აიცრა პირველი დოზით.

როგორც ისლანდიის ჯანდაცვის მინისტრმა 25 ივნისს განაცხადა, შეზღუდვები 26 ივნისს, შაბათს უნდა მოხსნილიყო.